Прывітанне, сонейка!!!

Дачакаліся! Рэшта іспытаў і хвастоў здадзена. Пачынаюцца практыкі, а потым яно – час весялухі, цяплыні і прыгажосці. Як зрабіць іх найбольш плённымі – чытай нашыя добрыя парады.

А яны такія.

Наконт здароўя. Сачыце за тым, каб не патрапляць у перапады тэмпературы. Калі вы ў памяшканні з кандыцыянерам, не зрабіце перапад большы за пяць градусаў ад вулічнай тэмпературы (напрыклад, 30 і 25 С0). Перш чым кідацца ў ваду, патрымайце ў ёй руку, калі праз пару хвілін перастане пашчыпваць ад холаду – лезьце.

Марозіва і напоі з лядоўні трэба ўжываць дробнымі глыткамі, або трымаць у роце пакуль яны не сагрэюцца. Сладкія газіроўкі і піва не ратуюць ад смагі. Як турыст кажу, зялёная і чорная гарбата спрадвеку ратавалі жыхароў пустэльняў і вам дапамогуць. Мяса, яйкі, малочныя, кандытарскія вырабы (і крэмавыя, і беляшы) хутка псуюцца ў спёку, так што набываем толькі ў крамах і з лядоўні. Сцьвярджэнні, што садавіна смачнейшая з галіны, а ў вас моцны страўнік – лепш забудзьце, бо ў незалежнасці ад вашай веры ў іх і ў свае звышнатуральныя здольнасьці, бацылаў ніхто не адмяняў. Не жадаеце некалькі дзён праваляцца з чырвоным горлам, ці адсядзецца ў задуменнасці ў хмызах замест адпачынку – прыслухайцеся.

Наконт вопраткі. Шорты, шлёпкі-в’етнамкі, спартовыя касцюмы і майкі –барцоўкі класныя на пляжы, а не ў горадзе. Шлёпкі, басаножкі носяцца без шкарпэтак, для таго яны і прыдуманыя. Красоўкі не ідуць да строгага касцюма, як і сур’ёзная кашуля да шортаў. Пантофлі-пляцёнкі і макасіны створаныя для лёгкіх афіцыйных гарнітураў. Натуральныя матэрыялы і розум дазваляюць не парыцца і пры гэтым выглядаць стыльна. Ільняныя рэчы спрадвеку былі прыкметай нашых продкаў. Яны ідэальныя на спёку і іх можна, канечне ў разумных межах, не прасаваць. Яшчэ: мужчыны ўсяго света купаюцца ў боксерах і шортах. Тангі (дзьва трохкутнікі) і стрынгі (адзін трохкутнік і вяроўка) – прыкмета стрыптызёраў і лохаў.

Дарэчы пра пляж. Возера Люхава знаходзіцца ў зоне забруджання ад нашых прамысловых прадпрыемстваў, на Дзвіне пакуль няма карантыну, але хіба хутка будзе. Горад абяцае адбудаваць новыя пляжы на Завеллі і Белым, але абяцанкі – цацанкі, дурню радасць. Пакуль няма там нічога, карыстайцеся з таго што маеце.

Каб не спаліцца на сонцы, не атрымаць з часам меланому, прымаць сонечныя ваны трэба ў перыяд найменьшай ультрахвалёвай актыўнасці, то бок раніцай да 12 гадзін і пасля 15 гадзін днём. Ужывайце спецыяльныя абарончыя крэмы. Прыпомнім, срок дзеяння іх не больш за дзьве гадзіны. Яны ўпітваюцца і змываюцца, а напісаныя на тубках працэнты – гэта іх моцнасць, а не час дзеяння.

Вясёлага адпачынку і сустрэнемся загарэлымі!

Ваўчара-Воўжык