Вясна прыйшла, адчыняй…

Некалькі скандалаў адбылося апошнім часам у свеце. Абама безпаспяхова спрабуе ўвесці ўсеагульную медыцынскую страхоўку, збіраючы ў сябе і затыкаючы апанентаў. Юлю Цімашэнку змясцілі з пасады украінскага прэм’ера, і наш урка-зямляк сабіраўся сябраваць і з Бруселем, і з Масквой. Постмадэрнісцкія швейцарцы працягнулі вылучаць фантастычныя ідэі (пару месяцаў таму яны забаранілі мясцовым мусульманам будаваць мінарэты): афіцыйна абмеракавалі на чарговым рэферэндуме магчымасць увесці персанальных адвакатаў для кожнай з пакрыўджаных чалавекам жывёліны, уключаючы рыб і малюскаў. Аднак 2/3 з прыйшоўшых адмовілі “братам нашым меншым” у такім праве. Відаць пакуль?

Найбольш цікавым для нас падаўся скандал з японскім волатам аўтапрама “тайотай”, якая пачала адкліканне сваіх машын па ўсім свеце. “Тайота” была адзінай сусветнай кампаніяй, якая ў пік крызіса пазбегла стратаў. Аднак высветлілася, што апошнія мадэлі гэтай маркі, у асноўным з гібрыдным рухавіком, маюць праблемы з тармазамі і перадачамі. Некалькі дзясяткаў амераканцаў загінула з гэтай нагоды. Фірма адклікала па ўсім свеце з продажу праблемныя мадэлі, а яе кіраўнік з прозвішчам Тайода пачаў аб’язджаць свет і прабачацца за недагляд над інжанерамі, як за сваю асабістую віну. Яго выслухалі ў амерыканскім кангрэсе і давялі да слёз асабістымі абразамі. Пры гэтым неяк забылося, што нядаўна “пежо” адклікаў частку сваіх 206 з-за тармазоў; гадоў пяць таму некалькі сотняў амерыканцаў загінулі дзякуючы канструктыўным недахопам “форда”, а тысячы разбіваюцца па віне “твораў” “джэнерал мотарс”, які, ў тым ліку з-за гэтага, разарыўся і перайшоў пад кантроль дзяржавы. Што зробіш, недабрасумленная канкурэнцыя – рэч непрыгожая, але рэальная.

Прымушае здзіўляцца працэс стварэння мытнага саюзу з расіянамі і казахамі. Усё трымаецца ў сакрэце, ужо некалькі месяцаў запар вядуцца перамовы. Адсутнасць радасных бурбалак у нашыx масмедыя азначае, што дамовіцца і, як раней, развесці партнёраў мінчане ня могуць. З вядомага, беларусы, як звычайна, xацелі атрымаць на шару нафты. Выпампаваць па ільготным кошце за паўгады тое, што Масква вылучыла на год, а потым, калі трэба будзе падпісываць вырашальныя дакуманты саюзу, паказаць дулю. Але нацкаваныя папярэднім досведам брацка-цыганскіx адносін усходнія таварышы, заявілі аб тым, што кожны дзень можна выпампоўваць толькі 1/365-ю з ільготнай нафты. А што гэта азначае? Толькі тое, што ў нас вялікія праблемы.

“Нафтан” летась быў лідарам беларускай эканомікі і даў дзяржаве больш за 9 млрд. даляраў, а наступныя па чыстым прыбытку прадпрыемствы – МАЗ і Беларуськалій – толькі каля 2 млрд. Аднак зараз “Нафтан” дарабляе стары запас і пачынае прастойваць. Перапрацоўка ў нас становіцца нерэнтабельнай і мы на вельмі кароткім і жорсткім павадку. Падобна на тое, што масквічы, як яны гэта рабілі ў сябе, паспрабуюць давесці “Нафтан” да банкруцтва, а потым купіць за капейкі. Вось вам і брацтва, вось вам і сумленне. Што ні дзень, то навіна. Чым больш зведваеш людзей, тым больш падабаюцца сабакі. Пришла весна, открывай ворота… Мядзведзь прыйшоў?

Ваўчара